Os ydych am gyflwyno un neu fwy o'n cymwysterau iechyd, gofal cymdeithasol a gofal plant, bydd angen i chi wneud cais am gymeradwyaeth.

Os ydych chi'n gwneud cais i gyflwyno cymwysterau TGAU, UG a Safon Uwch, yna dylech ddilyn proses safonol CBAC ar gyfer cymeradwyaeth canolfan. Mae mwy o wybodaeth am hyn ar gael yma.

Sylwer: Nid oes angen i ganolfannau sydd wedi'u cofrestru gyda CBAC i gyflwyno cymwysterau TGAU, UG a Safon Uwch wneud cais am gymeradwyaeth ychwanegol i gynnig y cymwysterau TGAU, UG neu Safon Uwch yn y gyfres hon.

I gyflwyno unrhyw un o'n cymwysterau eraill gallwch wneud cais gan ddefnyddio'r tri cham hawdd hyn:

1. Lawrlwythwch Ffurflen Gais
2. Edrychwch ar ein dogfen ganllaw ar gyfer cwblhau'r cais
3. E-bostiwch eich ffurflen gais i ni - cymeradwyo@digc.cymru

Os oes gennych unrhyw ymholiadau ynglŷn â chyflwyno'r cymwysterau hyn, darllenwch ein dogfen Cwestiynau Cyffredin sy'n llawn gwybodaeth ddefnyddiol ar y broses gymeradwyo.

Rydym hefyd wedi creu dogfen Cyflwyniad i Weithio gyda City & Guilds/CBAC, a ddylai roi'r holl wybodaeth angenrheidiol sydd angen arnoch i gyflwyno'r cymwysterau iechyd a gofal cymdeithasol, a gofal plant newydd yng Nghymru.

Mae’r Canllaw Asesu a Sicrhau Ansawdd i Ganolfannau ar gael yma.

Cliciwch yma i weld canllaw cyfeirio cyflym ynglyn â lle i ddod o hyd i ofynion staffio aseswyr ym mhob un o fanylebau cymeradwy’r cymwysterau IGC GP.

Mae templed gwag o fatrics yr ymgeisydd ar gael yma. Sicrhewch fod hwn yn cael ei anfon at eich SSAA a hclw.quality 30 diwrnod cyn y gweithgaredd ac ei fod yn cynnwys yr holl wybodaeth berthnasol.

Sut i archebu eich gweithgaredd Sicrhau Ansawdd Allanol (SAA) ar gyfer Lefel 2 a 3 GChDDP Ymarfer a Theori:

1. Dylech gytuno â'ch Swyddog Sicrhau Ansawdd Allanol (SSAA) ynghylch pryd fydd eich gweithgaredd sicrhau ansawdd allanol yn digwydd (Ionawr, Ebrill, Mehefin/Gorffennaf neu Gorffennaf/Awst)
   
   
2. Dylech gofrestru eich dysgwyr a chyflwyno eich canlyniadau o fewn y cyfnod cofrestru IAMIS perthnasol.
   
   Gall gymryd hyd at 3 diwrnod gwaith i'ch cofrestriadau gael eu prosesu ac i ddysgwyr ymddangos ar y System Mewnbynnu Marciau Asesiad Mewnol (IAMIS) i chi allu mewnbynnu eich canlyniadau.
   
   Argymhellwn eich bod yn cofrestru eich dysgwyr o leiaf 7 diwrnod cyn i'r cyfnod ddod i ben fel bod digon o amser i chi fewnbynnu canlyniadau dysgwyr er mwyn i'ch SSAA weld y rhain cyn yr ymweliad. Cyflwynwch eich canlyniadau terfynol yn amserol fel y gall eich Swyddog Sicrhau Ansawdd Allanol weld eich cyflwyniad cyn eich ymweliad Sicrhau Ansawdd Allanol sydd wedi’i drefnu.
   

Cofiwch: Wrth gofrestru dysgwyr drwy ddata sylfaenol CBAC, mae angen i chi chwilio am y teitl data sylfaenol cyfatebol isod.