Canolfan HCLW - y diweddaraf - 18/05/2022

Rydym wedi gwneud rhai newidiadau i’r llawlyfr cymwysterau sy’n cynnwys:

• I bwy mae'r cymhwyster?
• Ychwanegu gwybodaeth ehangach am eiriolaeth annibynnol a’i rôl yn y sector Iechyd a Gofal Cymdeithasol
• Gofynion mynediad yr ymgeisydd

Mae’r holl newidiadau wedi’u rhestru yn y tabl rheoli fersiynau ar flaen y llawlyfr ac mae ar gael i’w lwytho i lawr o’r dudalen cymwysterau o dan ‘Dogfennau allweddol a deunyddiau cwrs’.

Gweld y llawlyfr >

Mae’n bleser gennym lansio ein rhifyn cyntaf y gwanwyn hwn o Adroddiad yr Arholwr ar gyfer Iechyd a Gofal Cymdeithasol Craidd (8040-02). 

Mae hwn ar gael ar y dudalen cymwysterau o dan ‘Dogfennau allweddol a deunyddiau cwrs’

Gweld yr adroddiad >

Datblygwyd yr adroddiad i’w ddefnyddio fel adnodd adborth i ganolfannau er mwyn gwella addysgu a pharatoi ar gyfer y cymhwyster Iechyd a Gofal Cymdeithasol Craidd 8040-02.

Mae’r adroddiad yn rhoi sylwadau cyffredinol ar y marciau pasio a sut gwnaeth yr ymgeiswyr ym mhob un o’r profion ac mae’n amlygu themâu cyffredin o ran agweddau technegol sy’n cael eu harchwilio yn yr asesiadau.

Byddwn yn cyhoeddi rhifyn o’r adroddiad yn y gwanwyn ac yn yr hydref.

Mae adolygiad diweddar o’r cyfnodau cofrestru dysgwyr sy’n gysylltiedig â’r gyfres o gymwysterau Iechyd a Gofal Cymdeithasol (8040) a Gofal, Chwarae, Dysgu a Datblygiad Plant (8041) wedi canfod rhai anghysondebau gyda’n disgwyliadau safonol. Gan ystyried hyn, rydym wedi cymryd camau i sicrhau bod y cyfnodau cofrestru, cyn belled ag y bo modd, yn gyson ar draws y gyfres, ac yn rhoi cyfnod rhesymol i ddysgwyr gyflawni eu cymhwyster. 

Ailgofrestru awtomatig ar gyfer dysgwyr

Yn sgil y tarfu a achoswyd gan y pandemig, rydym wedi ymestyn y cyfnod cofrestru am flwyddyn ar gyfer pob dysgwr cofrestredig sy’n cwblhau’r cymwysterau canlynol. 

Mae’r estyniad hwn yn berthnasol i ddysgwyr sydd wedi cofrestru erbyn 12 Chwefror 2022 ar y cymwysterau canlynol:

Iechyd a Gofal Cymdeithasol:

• 8040-02 Lefel 2 HSC Craidd
• 8040-04 Lefel 2 HSC Ymarfer: Oedolion
• 8040-05 Lefel 3 HSC Ymarfer: Oedolion
• 8040-06 Lefel 3 HSC Ymarfer: Plant a Phobl Ifanc
• 8040-08 Lefel 4 Ymarfer Proffesiynol
• 8040-09 Lefel 4 Paratoi ar gyfer Arwain a Rheoli ym maes HSC
• 8040-10 Lefel 5 Arwain a Rheoli ym maes HSC
• 8040-11 Lefel 4 Lleoli Oedolion/Cysylltu Bywydau
• 8040-12 Lefel 4 Eiriolaeth Annibynnol
• 8040-13 Lefel 4 Ymarferydd Gwasanaethau Cymdeithasol

Gofal, Chwarae, Dysgu a Datblygiad Plant (CCPLD)

• 8041-13 Lefel 2 CCPLD: Ymarfer
• 8041-15 Lefel 3 CCPLD: Ymarfer
• 8041-16 Lefel 4 Paratoi ar gyfer Arwain a Rheoli ym maes CCPLD
• 8041-17 Lefel 4 Ymarfer Proffesiynol ym maes CCPLD

Sut bydd dysgwyr yn cael eu hailgofrestru?

Rydym wedi ymestyn y cyfnodau cofrestru dysgwyr yn awtomatig i bob dysgwr a oedd wedi cofrestru erbyn 12 Chwefror 2022. Os ydych chi’n meddwl bod dysgwr wedi cael ei anghofio, rhowch wybod i ni drwy gysylltu â hclw.customer@cityandguilds.com

A fydd y cyfnod cofrestru yn newid ar gyfer dysgwyr newydd?

Bydd dysgwyr sydd wedi cofrestru o 12 Chwefror 2022 ymlaen i gwblhau cymwysterau Ymarfer Lefel 2 a Lefel 3 a/neu gymwysterau Lefel 4 a Lefel 5 yn cael hyd at 3 blynedd i gwblhau eu cymhwyster o’r dyddiad cofrestru ymlaen, neu erbyn y dyddiad ardystio terfynol, pa un bynnag sydd gyntaf.

Rydym wedi adolygu dyddiadau cofrestru terfynol a dyddiadau ardystio terfynol y gyfres o gymwysterau ac wedi gwneud rhai newidiadau i’r dyddiadau ardystio terfynol. Mae’r newidiadau hyn wrthi’n cael eu gwneud ar wefan Cymwysterau yng Nghymru (qiw.wales).

Gall hyn gymryd nifer o wythnosau.  Mae’r tabl isod yn dangos y dyddiadau cofrestru ac ardystio terfynol diwygiedig: