UG/Uwch Iechyd a Gofal Cymdeithasol, a Gofal Plant

Bydd y cymwysterau hyn yn ymdrin â'r wybodaeth, y ddealltwriaeth a'r sgiliau creiddiol sy'n ofynnol gan y sectorau Iechyd a Gofal Cymdeithasol, gan gynnig sylfaen eang ar gyfer addysg uwch.

Bydd sylfaen gadarn o wybodaeth a dealltwriaeth o rolau a gwerthoedd ymarferwyr, o fewn cyd-destunau cyfoes penodol i sector, yn sail i'r cymwysterau hyn.

Ar lefel UG mae'r testunau'n debygol o gynnwys:

• risgiau addasadwy i iechyd: sut gall risgiau iechyd newid
• hybu iechyd da

Yn y safon Uwch bydd cyfle gan ddysgwyr i arbenigo naill ai mewn Iechyd a Gofal Cymdeithasol neu Gofal Plant. Mae testunau'r maes Iechyd a Gofal Cymdeithasol yn debygol o gynnwys:

• persbectifau seicogymdeithasol o ymddygiad oedolion
• gofal a chefnogaeth i oedolion ac unigolion hŷn sydd ag anghenion ychwanegol

Mae dysgwyr sy'n dilyn y llwybr Gofal Plant yn debygol o astudio:

• persbectifau seicogymdeithasol o ymddygiad plant
• gofal a chefnogaeth i blant sydd ag anghenion/anableddau dysgu ychwanegol

Drwy gwblhau'r cymwysterau hyn, bydd dysgwyr yn gwneud y canlynol:

• dangos gwybodaeth a dealltwriaeth o bersbectifau damcaniaethol o ofal
• cymhwyso gwybodaeth a dealltwriaeth o bersbectifau damcaniaethol o ofal
• ymchwilio a dadansoddi persbectifau damcaniaethol o ofal
• gwerthuso persbectifau damcaniaethol i ddangos dealltwriaeth, llunio barn wedi'i rhesymu a dod i gasgliadau

Yn yr UG, bydd pob dysgwr yn astudio dwy uned orfodol.

Yn yr U2, bydd dysgwyr yn dewis dwy uned ychwanegol sy'n ymwneud naill ai ag Iechyd a Gofal Cymdeithasol neu Gofal Plant.

Bydd y cymwysterau'n cynnwys asesiadau allanol a mewnol.

Gallai dysgwyr sy'n cwblhau'r cymhwyster TAG Uwch neu'r TAG Uwch Gyfrannol mewn Iechyd a Gofal Cymdeithasol, a Gofal Plant ar yr un pryd â chymwysterau TAG neu Lefel 3 eraill symud ymlaen i ddilyn cyrsiau addysg uwch yn y meysydd canlynol:

• iechyd a gofal cymdeithasol
• blynyddoedd cynnar
• therapi iaith a lleferydd
• seicoleg
• bydwreigiaeth
• iechyd galwedigaethol

Gallent hefyd symud ymlaen i gymwysterau eraill o fewn y gyfres, gan gynnwys:

• Lefel 2 Gofal, Proses Chwarae, Proses Ddysgu a Datblygiad Plant: Ymarfer a Theori
• Lefel 2 Gofal, Proses Chwarae, Proses Ddysgu a Datblygiad Plant: Ymarfer
• Lefel 3 Gofal, Proses Chwarae, Proses Ddysgu a Datblygiad Plant: Ymarfer a Theori
• Lefel 3 Gofal, Proses Chwarae, Proses Ddysgu a Datblygiad Plant: Ymarfer
• Lefel 3 Tystysgrif a Diploma Iechyd a Gofal Cymdeithasol: Egwyddorion a Chyd-destunau
• Lefel 3 Iechyd a Gofal Cymdeithasol: Ymarfer (Oedolion)
• Lefel 3 Iechyd a Gofal Cymdeithasol: Ymarfer (Plant a Phobl Ifanc)
• Lefel 4 Iechyd a Gofal Cymdeithasol gydag Arbenigedd
• Lefel 4 Gofal, Proses Ddysgu a Datblygiad Plant gydag Arbenigedd

Bydd manyleb ddrafft ar gyfer y cymhwyster TAG Uwch neu TAG Uwch Gyfrannol mewn Iechyd a Gofal Cymdeithasol, a Gofal Plant ar gael yn hydref 2018. Am ragor o wybodaeth, cyfeiriwch at:
http://www.dysguiechydagofal.cymru/